As follas son os órganos onde se fabrica o alimento que nutrirá a toda a planta.
Cada folla está formada por unha lámina moi delgada, o limbo, que se une ao talo por unha prolongación,o pecíolo.
O limbo está percorrido por numerosos nervios, que presentan un maior relevo na cara inferior que na superior.
A cara superior da folla, chamada face, normalmente é máis dura e dunha cor máis intensa que a cara inferior da folla, o envés.
As follas teñen formas moi diferentes.Tamén se poden modificar e transformar en espiñas (cactos), brácteas (dentes de león) ou gabiáns (chícharo).
No outono, algunhas árbores como o carballo ou a faia perden todas as súas follas á vez. Son árbores de folla caduca.
Outras árbores como o piñeiro ou a aciñeira, non as perden á vez, senón aos poucos. Son árbores de folla perenne.
