O leopardo das neves (Panthera uncia) é unha especie de mamífero carnívoro da familia Felidae propia das montañas de Asia Central.

Viven en montañas remotas a altitudes de ata 6000 m, motivo polo cal é pouco o que se sabe deles. O seu pelo é gris, suave e excepcionalmente denso, e ten unha cola tamén de lonxitude excepcional que enrola ao redor do corpo para abrigarse.

Caza de día e ataca a todo tipo de animais salvaxes, así como ao gando. Son ás veces matados por granxeiros, pero tamén cazados pola súa pel.

Descoñécese a cantidade de exemplares que quedan en estado salvaxe, aínda que se estima que haberá apenas 5000 exemplares; por tanto, trátase dunha especie en perigo de extinción.

O período de xestación é de aproximadamente 100 días, tendo normalmente dous cachorros, aínda que pode ter un máximo de cinco crías. Considéranse adultos aos dous anos.