Felipe III de España e II de Portugal nado en Madrid o 14 de abril de 1578 e finado o 31 de marzo de 1621 foi rei de Castela, Aragón e Portugal.  Era fillo de Felipe II e Ana de Austria e sucedeu ao seu pai en 1598.

Ao ano seguinte casou con Dona Margarida de Austria coa que tivo oito fillos. Durante o seu reinado o sistema de goberno foi o mesmo que os dous primeiros Austrias aínda que pronto se substituíu polo poder delegado dun valido debido á insuficiente capacidade do monarca. Así desde o comezo do seu reinado o monarca puxo os asuntos de Estado en mans do seu valido Francisco de Gómez de Sandoval y Rojas, marqués de Dénia e máis tarde duque de Lerma.